3. ກະຣະນີຍະເມຕຕະສຸຕຕັງ ຕະຕິຍັງ
** ກະຣະນີຍະມັຕຖະກຸສະເລນະ ຍັນຕັງ ສັນຕັງ ປະທັງ ອະພິສະເມຈຈະ,
ສັກໂກ ອຸຊູ ຈະ ສຸຫຸຊູ ຈະ ສຸວະໂຈ ຈັສສະ ມຸທຸ ອະນະຕິມານິ.
ສັນຕຸສສະໂກ ຈະ ສຸພະໂຣ ຈະ ອັປປະກິຈໂຈ ຈະ ສັລລະຫຸກະວຸຕຕິ,
ສັນຕິນທະຣິໂຍ ຈະ ນິປປະໂກ ຈະ ອັປປະຄັພໂພ ກຸເລສຸ ອະນະນຸຄິທໂທ,
ນະ ຈະ ຂຸທທັງ ສະມາຈະເຣ ກິນຈິ ເຍນະ ວິນຍຸ ປະເຣ ອຸປະວະເທຍຍຸງ.
ສຸຂິໂນ ວາ ເຂມິໂນ ໂຫນຕຸ ສັພເພ ສັຕຕາ ພະວັນຕຸ ສຸຂິຕັຕຕາ.
- ເຍ ເກຈິ ປານະພຸຕັຕຖິ ຕະສາ ວາ ຖາວະຣາ ວາ ອະນະວະເສສາ,
ທີຄາ ວາ ເຍ ມະຫັນຕາ ວາ ມັຊຊິມາ ຣັສສະກາ ອະນຸກະຖູລາ.
ທິຕຖາ ວາ ເຍ ຈະ ອະທິຕຖາ ເຍ ຈະ ທູເຣ ວະສັນຕິ ອະວິທຸເຣ,
ພູຕາ ວາ ສັມພະເວສີ ວາ ສັພເພ ສັຕຕາ ພະວັນຕຸ ສຸຂີຕັຕຕາ.
ນະ ປະໂຣ ປະຣັງ ນິກຸພເພຖະ ນາຕິມັນເຍຖະ ກັຕຖະຈິ ນັງ ກິນຈິ,
ພະຍາໂຣສະນາ ປະຕິຄະສັນຍາ ນາຍຍະມັນຍັສສະ ທຸກຂະມິຈເສຍຍະ,
ມາຕາ ຢະຖາ ນິຍັງ ປຸຕຕັງ ອາຍຸສາ ເອກະປຸຕຕະມະນຸຣັກເຂ,
ເອວັມປິ ສັພພະພູເຕສຸ ມານະສັມພາວະເຍ ອະປະຣິມານັງ.
- ເມຕຕັນຈະ ສັພພະໂລກັສສະມິງ ມານະສັມພາວະເຍ ອະປະຣິມານັງ,
ອຸທທັງ ອະໂທ ຈະ ຕິຣິຍັນຈະ ອະສັມພາທັງ ອະເວຣັງ ອະສະປັຕຕັງ.
ຕິຕຖັນຈະຣັງ ນິສິນໂນ ວາ ສະຍະໂນ ວາ ຍາວະ ຕັສສະ ວິຄະຕະມິທໂທ,
ເອຕັງ ສະຕິງ ອະທິຕເຖຍຍະ ພຣັຫມະເມຕັງ ວິຫາຣັງ ອິທະ ມາຫຸ
ທິຕຖິນຈະ ອະນຸປະຄັມມະ ສີລະວາ ທັສສະເນນະ ສັມປັນໂນ,
ກາເມສຸ ວິເນຍຍະ ເຄທັງ ນະ ຫິຊາຕຸ ຄັພພະເສຍຍັງ ປຸນະເອຕີຕິ.
ເຂມີ ອະນີຄາ ສຸຣະຕາ ຈະ ສັນໂຕ ອະນາຕຸຣາໂຖ ສຸຂິຕາ ອະເວຣີ ເທວາມະນຸສສາ ຈະ ປະຊາ ຈະ ເສຣີ ພັທທະຣານຸປັສສີ ຈະ ສະທາ ພະວັນຕັງ ຯ
