ພຣະອະພິທັມ 7 ຄຳພີ
ພຣະສັງຄິນີ
ກຸສະລາ ທັມມາ, ອະກຸສະລາ ທັມມາ, ອັພຍາກະຕາ ທັມມາ, ກະຕະເມ ທັມມາ ກຸສະລາ, ຍັສມິງ ສະມະເຍ,
ກາມາວະຈະຣັງ ກຸສະລັງ ຈິຕຕັງ ອຸປປັນນັງ ໂຫຕິ ໂສມະນັສສະສະຫະຄະຕັງ ຍານະສັມປະຍຸຕຕັງ,
ຣູປາຣັມມະນັງ ວາ, ສັທທາຣັມມະນັງ ວາ, ຄັນທາຣັມມະນັງ ວາ, ຣະສາຣັມມະນັງ ວາ,
ໂຜຕຖັພພາຣັມມະນັງ ວາ, ທັມມາຣັມມະນັງ ວາ ຍັງ ຍັງ ວາ ປະນາຣັພພະ,
ຕັສມິງ ສະມະເຍ ຜັສໂສ ໂຫຕິ ອະວິກເຂໂປ ໂຫຕິ, ເຍ ວາ ປະນະ ຕັສ໌ມິງ ສະມະເຍ ອັນເຍປິ ອັຕຖິ ປະຕິຈຈະສະມຸປປັນນາ, ອະຣູປິໂນ ທັມມາ, ອິເມ ທັມມາ ກຸສະລາ.
ພຣະວິພັງຄ໌
ປັນຈັກຂັນທາ, ຣູປັກຂັນໂທ, ເວທະນາກຂັນໂທ, ສັນຍາກຂັນໂທ, ສັງຂາຣັກຂັນໂທ, ວິນຍານັກຂັນໂທ. ຕັຕຖະ ກະຕະໂມ ຣູປັກຂັນໂທ. ຍັງກິນຈິ ຣູປັງ ອະຕີຕານາຄະຕະປັຈຈຸປປັນນັງ, ອັຊຊັຕຕັງ ວາ, ພະຫິທທາ ວາ, ໂອລາຣິກັງ ວາ ສຸຂຸມັງ ວາ, ຫີນັງ ວາ ປະນີຕັງ ວາ, ຍັງ ທູເຣ ວາ ສັນຕິເກ ວາ, ຕະເທກັຊຊັງ ອະພິສັນຍູຫິຕ໌ວາ ອະພິສັງຂິປິຕ໌ວາ, ອະຍັງ ວຸຈຈະຕິ ຣູປັກຂັນໂທ.
ພຣະທາຕຸກະຄາຖາ
ສັງຄະໂຫ ອະສັງຄະໂຫ,ສັງຄະຫິເຕນະ ອະສັງຄະຫິຕັງ, ອະສັງຄະຫິເຕນະ ສັງຄະຫິຕັງ,
ສັງຄະຫິເຕນະ ສັງຄະຫິຕັງ, ອະສັງຄະຫິເຕນະ ອະສັງຄະຫິຕັງ, ສັມປະໂຍໂຄ ວິປປະໂຍໂຄ,
ສັມປະຍຸຕເຕນະ ວິປປະຍຸຕຕັງ, ວິປປະຍຸຕເຕນະ ສັມປະຍຸຕຕັງ ອະສັງຄະຫິຕັງ.
ພຣະປຸຄຄະຣະປັນຍັຕຕິ
ສະ ປັນຍັຕຕິໂຍ, ຂັນທະປັນຍັຕຕິ, ອາຍະຕະນະປັນຍັຕຕິ, ທາຕຸປັນຍັຕຕິ, ສັຈຈະປັນຍັຕຕິ, ອິນທ໌ຣິຍະປັນຍັຕຕິ, ປຸຄຄະລະປັນຍັຕຕິ, ກິຕຕາວະຕາ ປຸຄຄະລານັງ ປຸຄຄະລະປັນຍັຕຕິ, ສະມະຍະວິມຸຕໂຕ ອະສະມະຍະວິມຸຕໂຕ,
ກຸປປະທັມໂມ ອະກຸປປະທັມໂມ, ປາຣິຫານະທັມໂມ ອະປະຣິຫານະທັມໂມ, ເຈຕະນາພັພໂພ ອະນຸຣັກຂະນາພັພໂພ,
ປຸຖຸຊຊະໂນ ໂຄຕຣະພູ, ພະຍູປະຣະໂຕ ອະພະຍູປະຣະໂຕ, ພັພພາຄະມະໂນ ອະພັພພາຄະມະໂນ,
ນິຍະໂຕ ອະນິຍະໂຕ, ປະຕິປັນນະໂກ ຜະເລຕຖິໂຕ, ອະຣະຫາ ອະຣະຫັຕຕາຍະ ປະຕິປັນໂນ.
ພຣະກະຖາວັຕຖຸ
ປຸຄຄະໂລ ອຸປະລັພພະຕິ ສັຈສິກັຕຖະປະຣະມັຕເຖນາຕິ, ອາມັນຕາ, ໂຍສັຈສິກັຕໂຖ ປະຣະມັຕໂຖ ຕະໂຕ ໂສ
ປຸຄຄະໂລ ອຸປະລັພພະຕິ, ສັຈສິກັຕຖະປະຣະມັຕເຖນາຕິ, ນະ ເຫວັງ ວັຕຕັພເພ,
ອາຊານາຫິ ນິຄຄະຫັງ ຫັນຈິ ປຸຄຄະໂລ ອຸປະລັພພະຕິ, ສັຈສິກັຕຖະ ປະຣະມັຕເຖນະ ເຕນະ ວະຕະ ເຣ ວັຕຕັພເພ,
ໂຍ ສັຈສິກັຕໂຖ ປະຣະມັຕໂຖ, ຕະໂຕ ໂສ ປຸຄຄະໂລ ອຸປະລັພພະຕິ ສັຈສິກັຕຖະປະຣະມັຕເຖນາຕິ ມິຈສາ.
ພຣະຍະມະກະ
ເຍ ເກຈິ ກຸສະລາ ທັມມາ,
ສັພເພ ເຕ ກຸສະລະມູລາ,
ເຍ ວາ ປະນະ ກຸສະລະມູລາ,
ສັພເພ ເຕ ທັມມາ ກຸສະລາ.
ເຍ ເກຈິ ກຸສະລາ ທັມມາ,
ສັພເພ ເຕ ກະສຸລະມູເລນະ ເອກະມູລາ,
ເຍ ວາ ປະນະ ກຸສະລະມູເລນະ ເອກະມູລາ,
ສັພເພ ເຕ ທັມມາ ກຸສະລາ.
ພຣະມະຫາປັຕຖານ
ເຫຕຸປັຈຈະໂຍ, ອາຣັມມະນະປັຈຈະໂຍ, ອະທິປະຕິປັຈຈະໂຍ, ອະນັນຕະຣະປັຈຈະໂຍ, ສະມະນັນຕະຣະປັຈຈະໂຍ, ສະຫະຊາຕະປັຈຈະໂຍ, ອັນຍະມັນຍະປັຈຈະໂຍ, ນິສສະຍະປັຈຈະໂຍ, ອຸປະນິສສະຍະປັຈຈະໂຍ, ປຸເຣຊາຕະປັຈຈະໂຍ, ປັຈສາຊາຕະປັຈຈະໂຍ, ອາເສວະນະປັຈຈະໂຍ, ກັມມະປັຈຈະໂຍ, ວິປາກະປັຈຈະໂຍ, ອາຫາຣະປັຈຈະໂຍ,
ອິນທ໌ຣິຍະປັຈຈະໂຍ, ຊານະປັຈຈະໂຍ, ມັຄຄະປັຈຈະໂຍ, ສັມປະຍຸຕຕະປັຈຈະໂຍ, ວິປປະຍຸຕຕະປັຈຈະໂຍ,
ອັຕຖິປັຈຈະໂຍ, ນັຕຖິປັຈຈະໂຍ, ວິຄະຕະປັຈຈະໂຍ, ອະວິຄະຕະປັຈຈະໂຍ.
