ມະຫາສມັຍສູຕ
ບົດຂັດມະຫາສະມະຍະສຸຕຕະ
ທຸລລະພັງ ທັສສະນັງ ຍັສສະ ສັມພຸທທັສສະ ອະພິນຫະໂສ
ໂລກັມຫິ ອັນທະພູຕັສມິງ ທຸລລະພຸປປາທະສັຕຖຸໂນ.
ສັກເກສຸ ກະປິລະວັຕຖຸສມິງ ວິຫະຣັນຕັງ ມະຫາເວນະ
ຕັນທັສສະນາຍະ ສັມພຸທທັງ ພິກຂຸສັງຄັນຈະ ນິມມະລັງ
ທະສະທາ ສັງຄະເນຍຍາສຸ ໂລກະທາຕູສຸ ເທວະຕາ
ອະເນກາ ອັປປະເມຍຍາ ວະ ໂລກະທາຕູສຸ ເທວະຕາ
ອະເນກາ ອັປປະເມຍຍາ ວະ ໂມທະມານາ ສະມາຄະຕາ.
ຕາສັງ ປິຍັງ ມະນາປັນຈະ ຈິຕຕັສໂສທັຄຄິຍາວະຫັງ
ຍັງໂສ ເທເສສິ ສັມພຸທໂທ ຫາສະຍັນໂຕຕິ ເມ ສຸຕັງ.
ເທວະກາຍັປປະຫາສັຕຖັງ ຕັງ ສຸຕຕັນຕັງ ພະນາມະ ເສ.
ໂລກັມຫິ ອັນທະພູຕັສມິງ ທຸລລະພຸປປາທະສັຕຖຸໂນ.
ສັກເກສຸ ກະປິລະວັຕຖຸສມິງ ວິຫະຣັນຕັງ ມະຫາເວນະ
ຕັນທັສສະນາຍະ ສັມພຸທທັງ ພິກຂຸສັງຄັນຈະ ນິມມະລັງ
ທະສະທາ ສັງຄະເນຍຍາສຸ ໂລກະທາຕູສຸ ເທວະຕາ
ອະເນກາ ອັປປະເມຍຍາ ວະ ໂລກະທາຕູສຸ ເທວະຕາ
ອະເນກາ ອັປປະເມຍຍາ ວະ ໂມທະມານາ ສະມາຄະຕາ.
ຕາສັງ ປິຍັງ ມະນາປັນຈະ ຈິຕຕັສໂສທັຄຄິຍາວະຫັງ
ຍັງໂສ ເທເສສິ ສັມພຸທໂທ ຫາສະຍັນໂຕຕິ ເມ ສຸຕັງ.
ເທວະກາຍັປປະຫາສັຕຖັງ ຕັງ ສຸຕຕັນຕັງ ພະນາມະ ເສ.
ບົດສູດມະຫາສມັຍສູຕຣ
ຫັນທະ ມະຍັັງ ມະຫາສະມະຍະສຸຕຕະປາຖັງ ພະນາມະ ເສ
ເອວັມເມ ສຸຕັງ. ເອກັງ ສະມະຍັງ ພະຄະວາ ສັກເກສຸ ວິຫະຣະຕິ ກະປິລະວັຕຖຸສມິງ
ມະຫາວະເນ ມະຫະຕາ ພິກຂຸສັງເຄນະ ສັທທິງ ປັນຈະມັຕເຕຫິ ພິກຂຸສະເຕຫິ
ສັພເພເຫວະ ອະຣະຫັນເຕຫິ. ທະສະຫິ ຈະ ໂລກະທາຕູຫິ
ເທວະຕາ ເຍພຸຍເຍນະ ສັນນິປະຕິຕາ ໂຫນຕິ ພະຄະວັນຕັງ ທັສສະນາຍະ ພິກຂຸສັງຄັນຈະ.
ອະຖະ ໂຂ ຈະຕຸນນັງ ສຸທທາວາສະກາຍິການັງ ເທວະຕານັງ ເອຕະທະໂຫສິ ຯ
ອະຍັງ ໂຂ ພະຄະວາ ສັກເກສຸ ວິຫະຣະຕິ ກະປິລະວັຕຖຸສມິງ
ມະຫາວະເນ ມະຫະຕາ ພິກຂຸສັງເຄນະ ສັທທິງ ປັນຈະມັຕເຕຫິ ພິກຂຸສະເຕຫິ
ສັພເພເຫວະ ອະຣະຫັນເຕຫິ ທະສະຫິ ຈະ ໂລກະທາຕູຫິ
ເທວະຕາ ເຍພຸຍເຍນະ ສັນນິປະຕິຕາ ໂຫນຕິ ພະຄະວັນຕັງ ທັສສະນາຍະ ພິກຂຸສັງຄັນຈະ
ຍັນນູນະ ມະຍັມປິ ເຍນະ ພະຄະວາ ເຕນຸປະສັງກະເມຍຍາມະ ອຸປະສັງກະມິຕວາ
ພະຄະວະໂຕ ສັນຕິເກ ປັຈເຈກະຄາຖາ ພາເສຍຍາມາຕິຯ
ອະຖະ ໂຂ ຕາ ເທວະຕາ ເສຍຍະຖາປິ ນາມະ ພະລະວາ
ປຸຣິໂສ ສັມມິນຊິຕັງ ວາ ພາຫັງ ປະສາເຣຍຍະ ປະສາຣິຕັງ ວາ ພາຫັງ ສັມມິນເຊຍຍະ
ເອວະເມວະ ສຸທທາວາເສສຸ ເທເວສຸ ອັນຕະຣະຫິຕາ ພະຄະວັນໂຕ ປຸຣະໂຕ ປາຕຸຣະຫັງສຸ.ຯ
ອະຖະໂຂ ຕາ ເທວະຕາ ພະຄະວັນຕັງ ອະພິວາເທຕວາ ເອກະມັນຕັງ ອັຕຖັງສຸ.ຯ
ເອກະມັນຕັງ ຖິຕາ ໂຂ ເອກາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.ຯ
ມະຫາສະມະໂຍ ປະວະນັສມິງ ເທວະກາຍາ ສະມາຄະຕາ
ອາຄະຄັມຫະອິມັງ ທັມມະສະມະຍັງ ທັກຂິຕາເຍວະ ອະປະຣາຊິຕະ ສັງຄັນຕິ.
ອະຖະໂຂ ອະປະຣາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.
ຕັຕຕະຣະ ພິກຂະໂວ ສະມາທະຫັງສຸ ຈິຕຕັງ ອັຕຕະໂນ ອຸຊຸກະມະກັງສຸ
ສາຣະຖີວະ ເນຕຕານິ ຄະເຫຕວາ ອິນທ໌ຣິຍາ ນິຣັກຂັນຕິ ປັນທິຕາຕິ ຯ
ອະຖະໂຂ ອະປະຣາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.
ເຊຕ໌ວານະ ຂີລັງ ເສຕ໌ວາ ປະລີຄັງ ອິນທະຂີລັງ ໂອຫັຈຈະມະເນຊາ
ເຕ ຈະຣັນຕິວິສຸທທາ ວິມະລາ ຈັກຂຸມະຕາ ສຸທັນຕາ ສຸ ສຸນາຄາ ຕິ. ຯ
ອະຖະໂຂ ອະປະຣາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.
ເຍ ເກຈິ ພຸທທັງ ສະຣະນັງ ຄະຕາ ເສ ນະ ເຕ ຄະມິສສັນຕິ ອະປາຍະພູມິງ
ປະຫາຍະ ມານຸສັງ ເທຫັງ ເທວະກາຍັງ ປະຣິປູເຣສສັນຕິ ຕິ. ຯ
ອະຖະໂຂ ພະຄະວາ ພິກຂູ ອາມັນເຕສິ ເຍພຸຍເຍນະ ພິກຂະເວ ທະສະສຸໂລກະທາຕູສຸ
ເທວະຕາ ສັນນິປະຕິຕາ ໂຫນຕິ ຕະຖາຄະຕັງ ທັສສະນາຍະ ພິກຂຸສັງຄັນຈະ
ເຍປິ ເຕ ພິກຂະເວ ອະເຫສຸງ ອະຕີຕະມັທທານັງ ອະຣະຫັນໂຕ ສັມມາສັມພຸທທາ
ເຕສັມປິ ພະຄະວັນຕານັງ ເອຕະປະຣະມາເຍວະ ເທວະຕາ ສັນນິປະຕິຕາ
ອະເຫສຸງ. ເສຍຍະຖາປິ ມັຍຫັງ ເອຕະຣະຫິ ເຍປິ ເຕ ພິກຂະເວ ພະວິສສັນຕິ ພະວິສສັນຕິ.
ອະນາຄະຕະມັທທານັງ ອະຣະຫັນໂຕ ສັມມາສັມພຸທທາ,
ເຕສັມປິ ພະຄະວັນຕານັງ ເອຕະປະຣະມາເຍວະ ເທວະຕາ
ສັນນິປະຕິຕາ ພະວິສສັນຕິ.
ເສຍຍະຖາປິ ມັຍຫັງ ເອຕະຣະຫິ
ອາຈິກຂິສສາມິ ພິກຂະເວ ເທວະກາຍານັງ ນາມາມິ.
ກິຕຕະຍິສສາມິ ພິກຂະເວ ເທວະກາຍານັງ ນາມາມິ
ເທສິສສາມິ ພິກຂະເວ ເທວະກາຍານັງ ນາມາມິ.
ຕັງສຸນາຖະ ສາທຸກັງ ມະນະສິກະໂຣຖະ ພາສິສສາມີຕິ
ເອວັມ ພັນເຕຕິ ໂຂ ເຕ ພິກຂູ ພະຄະວະໂຕ ປັຈຈັສໂສສຸງ,ຯ ພະຄະວາ ເອຕະທະໂວຈະ. ຯ
ສິໂລກະມະນຸສກັສສາມິ ຍັຕຖະ ພຸມມາ ຕະທັສສິຕາ
ເຍ ສີຕາ ຄິຣິຄັພພະຣັງ ປະຫິຕັຕຕາ ສະມາຫິຕາ
ປຸຖູ ສີຫາວະ ສັລລີນາ ໂລມະຫັງສາພິສັມພຸໂນ
ໂອທາຕະມະນະສາ ສຸທທາ ວິປປະສັນນະມະນາວິລາ
ພິຍໂຍ ປັນຈະສະເຕ ຍັຕ໌ວາ ວະເນ ກາປິລະວັຕຖະເວ
ຕະໂຕ ອາມັນຕະຍິ ສັຕຖາ ສາວະເກ ສາສະເນ ຣະເຕ
ເທວະກາຍາ ອະພິກກັນຕາ ເຕ ວິຊານາຖະ ພິກຂະໂວ
ເຕ ຈະ ອາຕັປປະມະກະຣຸງ ສຸຕ໌ວາ ພຸທທັສສະ ສາສະນັງ
ເຕ ສັມປາຕຸຣະຫຸ ຍານັງ ອະມະນຸສສານະ ທັສສະນັງ
ອັປເປເກ ສະຕະມັທທັກຂຸງ ສະຫັສສັງ ອະຖະ ສັຕຕະຣິງ
ສະກັງ ເອເກ ສະຫັສສານັງ ອະມະນຸສສານະ ມັຕທະສຸງ
ອັປເປເກ ນັນຕະມັທທັກຂຸງ ທິສາ ສັພພາ ຜຸຕາ ອະຫຸງ
ຕັນຈະ ສັພພັງ ອະພິນຍາຍະ ວະວັກຂິຕ໌ວານະ ຈັກຂຸມາ
ຕະໂຕ ອາມັນຕະຍິ ສັຕຖາ ສາວະເກ ສາສະເນ ຣະເຕ
ເທວະກາຍາ ອະພິກກັນຕາ ເຕ ວິຊານາຖະ ພິກຂະໂວ
ເຍ ໂວຫັງ ກິຕຕະຍິສສາມິ ຄິຣາຫິ ອະນຸປຸພພະໂສ. ຯ
ສັຕຕະສະຫັສສາວະ ຍັກຂາ ພຸມມາ ກາປິລະວັຕຖະວາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ຊະສະຫັສສາ ເຫມະວະຕາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສາຕາຄິຣາ ຕິສະຫັສສາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕັງ ວະນັງ. ຯ
ອິຈເຈເຕ ໂສລະສະສະຫັສສາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ເວສ ສາມິຕຕາ ປັນຈະສະຕາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ກຸມພິໂຣ ຣາຊະຄະຫິໂກ ເວປຸລລັສສະ ນິເວສະນັງ
ພິຍໂຍ ນັງ ສະຕະສະຫັສສັງ ຍັກຂານັງ ປະຍິຣຸປາສະຕິ.
ກຸມພີໂຣ ຣາຊະຄະຫິໂກ ໂສປະຄະ ສະມິຕິງ ວະນັງ. ຯ
ປຸຣິມັນຈະ ທິສັງ ຣາຊາ ທະຕະຣັຕໂຖ ປະສາສະຕິ
ຄັນທັພພານັງ ອະທິປະຕິ ມະຫາຣາຊາ ຍະຍັສສິ ໂສ. ຯ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ທັກຂິນັນຈະ ທິສັງ ຣາຊາ ວິຣຸລໂຫ ຕັປປະສາສະຕິ
ກຸມພັນທານັງ ອະທິປະຕິ ມະຫາຣາຊາ ຍະຍັສສິ ໂສ. ຯ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ປັຈສິມັນຈະ ທິສັງ ຣາຊາ ວິຣູປັກໂຂ ປະສາສະຕິ
ນາຄານັງ ອະທິປະຕິ ມະຫາຣາຊາ ຍະສັສສິ ໂສ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
* ອຸຕຕະຣັນຈະ ທິສັງ ຣາຊາ ກຸເວໂຣ ຕັປປະສາສະຕິ
ຍັກຂານັງ ອະທິປະຕິ ມະຫາຣາຊາ ຍະຍັສສິໂນ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ປຸຣິມະທິສັງ ທະຕະຣັຕໂຖ ທັກຂິເນນະ ວິຣຸລຫະໂກ
ປັຈສິເມນະ ວິຣູປັກໂຂ ກຸເວໂຣ ອຸຕຕະຣັງ ທິສັງ. ຯ
ຈັຕຕາໂຣ ເຕ ມະຫາຣາຊາ ສະມັນຕາ ຈະຕຸໂຣ ທິສາ
ທັທທັລລະມານາ ອັຕຖັງສຸ ວະເນ ກາປິລະວັຕຖະເວ. ຯ
ເຕສັງ ມາຍາວິໂນ ທາສາ ອາຄູ ວັນຈະນິກາ ສະຖາ
ມາຍາ ກຸເຕນທຸ ເວເຕນທຸ ວິຕູ ຈະ ວິຕໂຕ ສະຫະ
ຈັນທະໂນ ກາມະເສຕໂຖ ຈະ ກິນນຸ ຄັນທຸ ນິຄັນທຸ ຈະ
ປະນາໂທ ໂອປະມັນໂຍຈະ ເທວະສູໂຕ ຈະ ມາຕະລິ.
ຈິຕຕະເສໂນ ຈະຄັນທັພໂພ ນະໂລຣາຊາ ຊະໂນສະໂພ
ອາຄູ ປັນຈະສິໂຂ ເຈວະ ຕິມພະຣູ ສຸຣິຍະວັຈຊະສາ
ເອເຕ ຈັນເຍ ຈະຣາຊາໂນ ຄັນທັພພາ ສະຫະ ຣາຊຸພິ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ອະຖາຄູ ນາພະສາ ນາຄາ ເວສາລາ ສະຫະຕັຈຊະກາ
ກັມພະລັສສະຕະຣາ ອາຄູ ປາຍາຄາ ສະຫະ ຍາຕິພິ.
ຍະມຸນາ ທະຕະຣັຕຖາ ຈະ ອາຄູ ນາຄາ ຍະສັສສິໂນ
ເອຣາວັນໂນ ມະຫານາໂຄ ໂສປາຄະ ສະມິຕິງ ວະນັງ. ຯ
ເຍ ນາຄະຣາເຊ ສະຫະສາ ຫະຣັນຕິ ທິພພາ ທິຊາປັກຂິ ວິສຸທທະຈັກຂູ
ເວຫາຍະສາ ເຕ ວະນະມັຊຊະປັຕຕາ ຈິຕະຣາ ສຸປັນນາ ອິຕິ ເຕສະນາມັງ
ອະພະຍັນຕະທາ ນາຄະຣາຊານະມາສິ ສຸປັນນະໂຕ ເຂມະມະກາສິ ພຸທໂທ
ສັນຫາຫິ ວາຈາຫິ ອຸປະວະຫະຍັນຕາ ນາຄາ ສຸປັນນາ ສະຣະນະມະກັງສຸ ພຸທທັງ. ຯ
ຊິຕາ ວະຊິຣະຫັຕເຖນະ ສະມຸທທັງ ອະສຸຣາ ສິຕາ
ພາຕະໂຣ ວາສະວັສເສເຕ ອິທທິມັນໂຕ ຍະສັສສິໂນ
ກາລະກັນຊາ ມະຫາພິສມາ ອະສຸຣາ ທານະເວຄະສາ
ເວປະຈິຕຕິ ສຸຈິຕຕິ ຈະ ປະທາຣາໂທ ນະມຸຈີ ສະຫະ
ສະຕັນຈະ ພະລິປຸຕຕານັງ ສັພເພ ເວໂຣຈະນາມະກາ
ສັນນັຍຫິຕ໌ວາ ພະລິງ ເສນັງ ຣາຫຸພັທທະ ມຸປາຄະມຸງ
ສະມະໂຍທານິ ພັທທັນເຕ ພິກຂູນັງ ສະມິຕິງ ວະນັງ. ຯ
ອາໂປ ຈະ ເທວາ ປະຖະວີຈະ ເຕໂຊ ວາໂຍ ຕະທາຄະມຸງ
ວະຣຸນາ ວາຣຸນາ ເທວາ ໂສໂມ ຈະ ຍະສະສາ ສະຫະ
ເມຕຕາກະຣຸນາກາຍິກາ ອາຄູ ເທວາ ຍະສັສສິໂນ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ເວນທູ ຈະ ເທວາ ສະຫະລີ ຈະ ອະສະມາ ຈະ ທຸເວ ຍະມາ
ຈັນທັສສູປະນິສາ ເທວາ ຈັນທະມາຄູ ປຸຣັກຂິຕາ
ສຸຣິຍັສສູປະນິສາ ເທວາ ສຸຣິຍະມາຄູ ປຸຣັກຂິວາ
ນັກຂັຕຕານິ ປຸຣັກຂິຕ໌ວາ ອາຄູ ມັນທະພະລາຫະກາ
ວະສູນັງ ວາສະໂວ ເສຕໂຖ ສັກໂກ ປາຄະ ປຸຣິນທະໂທ
ທະສະເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ອະຖາຄູ ສະຫະພູ ເທວາ ຊະລະມັຄຄິສິຂາຣິວະ
ອະຣິຕຖະກາ ຈະ ໂຣຊາ ຈະ ອຸມມາ ປຸບຜະນິພາສິໂນ
ວະຣຸນາ ສະຫະທັມມາ ຈະ ອັຈຈຸຕາ ຈະ ອະເນຊະກາ
ສຸເລຍຍະຣຸຈິຣາ ອາຄູ ອາຄູ ວາສະວະເນສິໂນ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສະມານາ ມະຫາສະມານາ ມານຸສາ ມານຸສຸຕຕະມາ
ຂິທທາປະທູສິກາ ອາຄູ ອາຄູ ມະໂນປະທູສິກາ
ອາຖາຄູ ຫະຣະໂຍ ເທວາ ເຍ ຈະ ໂລຫິຕະວາສິໂນ
ປາຣະຄາ ມະຫາປາຣະຄາ ອາຄູ ເທວາ ຍະສັສສິໂນ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສຸກກາ ກະຣຸມຫາ ອະຣຸນາ ອາຄູ ເວຄະນະສາ ສະຫະ
ໂອທາຕະຄັຍຫາ ປາໂມກຂາ ອາຄູ ເທວາ ວິຈັກຂະນາ
ສະທາມັຕຕາ ຫາຣະຄະຊາ ມິສສະກາ ຈະ ຍະສັສສິໂນ
ຖະນະຍັງ ອາຄາ ປະຊຸນໂນ ໂຍ ທິສາ ອະພິວັສສະຕິ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ເຂມິຍາ ຕຸສິຕາ ຍາມາ ກັຕຖະກາ ຈະ ຍະສັສສິໂນ
ລັມພິຕະກາ ລາມະເສຕຖາ ໂຊຕິນາມາ ຈະ ອາສະວາ
ນິມມານະຣະຕິໂນ ອາຄູ ອະຖາຄູ ປະຣະນິມມິຕາ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສັຕເຖເຕ ເທວະ ນິກາຍາ ສັພເພ ນານັຕຕະວັນນິໂນ
ນາມັນວະເຍນະ ອາຄັນສຸງ ເຍຈັນເຍ ສະທິສາ ສະຫະ
ປະວຸຕຖະຊາຕິມັກຂີລັງ ໂອຄະຕິນນະ ມະນາສະວັງ
ທັກເຂໂມຄະຕະຣັງ ນາຄັງ ຈັນທັງວະ ອະສິຕາຕິຕັງ
ສຸພຣັມມາ ປະຣະມັຕໂຕ ຈະ ປຸຕຕາ ອິທທິມະໂຕ ສະຫະ
ສັນນັງກຸມາໂຣ ຕິສໂສ ຈະ ໂສປາຄະ ສະມິຕິງ ວະນັງ. ຯ
ສະຫັສສະ ພຣັມມະໂລການັງ ມະຫາພຣັມມາ ພິຕິຕຖະຕິ
ອຸປະປັນໂນ ຊຸຕິມັນໂຕ ພິສສະມາກາໂຍ ຍະສັສສິ ໂສ
ທະເສຕຖະ ອິສສະຣາ ອາຄູ ປັຈເຈກະວະສະວັຕຕິໂນ
ເຕສັນຈະ ມັຊຊະໂຕ ອາຄາ ຫາຣິໂຕ ປະຣິວາຣິໂຕ
ເຕຈະ ສັພເພ ອະພິກກັນເຕ ສິນເທ ເທເວສະພຣັມມະເກ
ມາຣະເສນາ ອະພິກກາມິ ປັສສະ ກັນຫັສສະ ມັນທິຍັງ
ເອຖະ ຄັນຫະຖະ ພັນທະຖະ ຣາເຄນະ ພັນທະມັຕຖຸ ໂວ
ສະມັນຕາ ປະຣິວາເຣຖະ ມາ ໂວ ມຸນຈິຕຖະ ໂກຈິ ນັງ
ອິຕິ ຕັຕຖະ ມະຫາເສໂນ ກັນຫະເສນັງ ອະເປສະຍິ
ປານິນາ ຕະລະມາຫັຈຈະ ສະຣັງ ກັຕ໌ວານະ ເພຣະວັງ
ຍະຖາ ປາວຸສສະໂກ ເມໂຄ ຖະນະຍັນໂຕ ສະວິຊຊຸໂກ
ຕະທາ ໂສ ປັຈຈຸທາວັຕຕິ ສັງກຸທໂທ ອະສະຍັງວະເສ
ຕັນຈະ ສັພພັງ ອະພິນຍາຍະ ວະວັກຂິຕ໌ວານະ ຈັກຂຸມາ
ຕະໂຕ ອາມັນຕະຍິ ສັຕຖາ ສາວະເກ ສາສະເນ ຣະເຕ
ມາຣະເສນາ ອະພິກກັນຕາ ເຕ ວິຊານາຖະ ພິກຂະໂວ.
ເຕຈະ ອາຕັປປະມະກະຣຸງ ສຸຕ໌ວາ ພຸທທັສສະ ສາສະນັງ
ວີຕະຣາເຄຫິ ປັກກາມຸງ ເນສັງ ໂລມັມປິ ວິນຊະຍຸງ.
ສັພເພ ວິຊິຕະສັງຄາມາ ພະຍາຕີຕາ ຍະສັສສິໂນ
ໂມທັນຕິ ສະຫະ ພູເຕຫິ ສາວະກາ ເຕ ຊະເນສຸຕາຕິ
ມະຫາສະມະຍະສຸຕຕັງ ນິຕຖິຕັງ.
ຫັນທະ ມະຍັັງ ມະຫາສະມະຍະສຸຕຕະປາຖັງ ພະນາມະ ເສ
ເອວັມເມ ສຸຕັງ. ເອກັງ ສະມະຍັງ ພະຄະວາ ສັກເກສຸ ວິຫະຣະຕິ ກະປິລະວັຕຖຸສມິງ
ມະຫາວະເນ ມະຫະຕາ ພິກຂຸສັງເຄນະ ສັທທິງ ປັນຈະມັຕເຕຫິ ພິກຂຸສະເຕຫິ
ສັພເພເຫວະ ອະຣະຫັນເຕຫິ. ທະສະຫິ ຈະ ໂລກະທາຕູຫິ
ເທວະຕາ ເຍພຸຍເຍນະ ສັນນິປະຕິຕາ ໂຫນຕິ ພະຄະວັນຕັງ ທັສສະນາຍະ ພິກຂຸສັງຄັນຈະ.
ອະຖະ ໂຂ ຈະຕຸນນັງ ສຸທທາວາສະກາຍິການັງ ເທວະຕານັງ ເອຕະທະໂຫສິ ຯ
ອະຍັງ ໂຂ ພະຄະວາ ສັກເກສຸ ວິຫະຣະຕິ ກະປິລະວັຕຖຸສມິງ
ມະຫາວະເນ ມະຫະຕາ ພິກຂຸສັງເຄນະ ສັທທິງ ປັນຈະມັຕເຕຫິ ພິກຂຸສະເຕຫິ
ສັພເພເຫວະ ອະຣະຫັນເຕຫິ ທະສະຫິ ຈະ ໂລກະທາຕູຫິ
ເທວະຕາ ເຍພຸຍເຍນະ ສັນນິປະຕິຕາ ໂຫນຕິ ພະຄະວັນຕັງ ທັສສະນາຍະ ພິກຂຸສັງຄັນຈະ
ຍັນນູນະ ມະຍັມປິ ເຍນະ ພະຄະວາ ເຕນຸປະສັງກະເມຍຍາມະ ອຸປະສັງກະມິຕວາ
ພະຄະວະໂຕ ສັນຕິເກ ປັຈເຈກະຄາຖາ ພາເສຍຍາມາຕິຯ
ອະຖະ ໂຂ ຕາ ເທວະຕາ ເສຍຍະຖາປິ ນາມະ ພະລະວາ
ປຸຣິໂສ ສັມມິນຊິຕັງ ວາ ພາຫັງ ປະສາເຣຍຍະ ປະສາຣິຕັງ ວາ ພາຫັງ ສັມມິນເຊຍຍະ
ເອວະເມວະ ສຸທທາວາເສສຸ ເທເວສຸ ອັນຕະຣະຫິຕາ ພະຄະວັນໂຕ ປຸຣະໂຕ ປາຕຸຣະຫັງສຸ.ຯ
ອະຖະໂຂ ຕາ ເທວະຕາ ພະຄະວັນຕັງ ອະພິວາເທຕວາ ເອກະມັນຕັງ ອັຕຖັງສຸ.ຯ
ເອກະມັນຕັງ ຖິຕາ ໂຂ ເອກາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.ຯ
ມະຫາສະມະໂຍ ປະວະນັສມິງ ເທວະກາຍາ ສະມາຄະຕາ
ອາຄະຄັມຫະອິມັງ ທັມມະສະມະຍັງ ທັກຂິຕາເຍວະ ອະປະຣາຊິຕະ ສັງຄັນຕິ.
ອະຖະໂຂ ອະປະຣາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.
ຕັຕຕະຣະ ພິກຂະໂວ ສະມາທະຫັງສຸ ຈິຕຕັງ ອັຕຕະໂນ ອຸຊຸກະມະກັງສຸ
ສາຣະຖີວະ ເນຕຕານິ ຄະເຫຕວາ ອິນທ໌ຣິຍາ ນິຣັກຂັນຕິ ປັນທິຕາຕິ ຯ
ອະຖະໂຂ ອະປະຣາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.
ເຊຕ໌ວານະ ຂີລັງ ເສຕ໌ວາ ປະລີຄັງ ອິນທະຂີລັງ ໂອຫັຈຈະມະເນຊາ
ເຕ ຈະຣັນຕິວິສຸທທາ ວິມະລາ ຈັກຂຸມະຕາ ສຸທັນຕາ ສຸ ສຸນາຄາ ຕິ. ຯ
ອະຖະໂຂ ອະປະຣາ ເທວະຕາ ພະຄະວະໂຕ ສັນຕິເກ ອິມັງ ຄາຖັງ ອະພາສິ.
ເຍ ເກຈິ ພຸທທັງ ສະຣະນັງ ຄະຕາ ເສ ນະ ເຕ ຄະມິສສັນຕິ ອະປາຍະພູມິງ
ປະຫາຍະ ມານຸສັງ ເທຫັງ ເທວະກາຍັງ ປະຣິປູເຣສສັນຕິ ຕິ. ຯ
ອະຖະໂຂ ພະຄະວາ ພິກຂູ ອາມັນເຕສິ ເຍພຸຍເຍນະ ພິກຂະເວ ທະສະສຸໂລກະທາຕູສຸ
ເທວະຕາ ສັນນິປະຕິຕາ ໂຫນຕິ ຕະຖາຄະຕັງ ທັສສະນາຍະ ພິກຂຸສັງຄັນຈະ
ເຍປິ ເຕ ພິກຂະເວ ອະເຫສຸງ ອະຕີຕະມັທທານັງ ອະຣະຫັນໂຕ ສັມມາສັມພຸທທາ
ເຕສັມປິ ພະຄະວັນຕານັງ ເອຕະປະຣະມາເຍວະ ເທວະຕາ ສັນນິປະຕິຕາ
ອະເຫສຸງ. ເສຍຍະຖາປິ ມັຍຫັງ ເອຕະຣະຫິ ເຍປິ ເຕ ພິກຂະເວ ພະວິສສັນຕິ ພະວິສສັນຕິ.
ອະນາຄະຕະມັທທານັງ ອະຣະຫັນໂຕ ສັມມາສັມພຸທທາ,
ເຕສັມປິ ພະຄະວັນຕານັງ ເອຕະປະຣະມາເຍວະ ເທວະຕາ
ສັນນິປະຕິຕາ ພະວິສສັນຕິ.
ເສຍຍະຖາປິ ມັຍຫັງ ເອຕະຣະຫິ
ອາຈິກຂິສສາມິ ພິກຂະເວ ເທວະກາຍານັງ ນາມາມິ.
ກິຕຕະຍິສສາມິ ພິກຂະເວ ເທວະກາຍານັງ ນາມາມິ
ເທສິສສາມິ ພິກຂະເວ ເທວະກາຍານັງ ນາມາມິ.
ຕັງສຸນາຖະ ສາທຸກັງ ມະນະສິກະໂຣຖະ ພາສິສສາມີຕິ
ເອວັມ ພັນເຕຕິ ໂຂ ເຕ ພິກຂູ ພະຄະວະໂຕ ປັຈຈັສໂສສຸງ,ຯ ພະຄະວາ ເອຕະທະໂວຈະ. ຯ
ສິໂລກະມະນຸສກັສສາມິ ຍັຕຖະ ພຸມມາ ຕະທັສສິຕາ
ເຍ ສີຕາ ຄິຣິຄັພພະຣັງ ປະຫິຕັຕຕາ ສະມາຫິຕາ
ປຸຖູ ສີຫາວະ ສັລລີນາ ໂລມະຫັງສາພິສັມພຸໂນ
ໂອທາຕະມະນະສາ ສຸທທາ ວິປປະສັນນະມະນາວິລາ
ພິຍໂຍ ປັນຈະສະເຕ ຍັຕ໌ວາ ວະເນ ກາປິລະວັຕຖະເວ
ຕະໂຕ ອາມັນຕະຍິ ສັຕຖາ ສາວະເກ ສາສະເນ ຣະເຕ
ເທວະກາຍາ ອະພິກກັນຕາ ເຕ ວິຊານາຖະ ພິກຂະໂວ
ເຕ ຈະ ອາຕັປປະມະກະຣຸງ ສຸຕ໌ວາ ພຸທທັສສະ ສາສະນັງ
ເຕ ສັມປາຕຸຣະຫຸ ຍານັງ ອະມະນຸສສານະ ທັສສະນັງ
ອັປເປເກ ສະຕະມັທທັກຂຸງ ສະຫັສສັງ ອະຖະ ສັຕຕະຣິງ
ສະກັງ ເອເກ ສະຫັສສານັງ ອະມະນຸສສານະ ມັຕທະສຸງ
ອັປເປເກ ນັນຕະມັທທັກຂຸງ ທິສາ ສັພພາ ຜຸຕາ ອະຫຸງ
ຕັນຈະ ສັພພັງ ອະພິນຍາຍະ ວະວັກຂິຕ໌ວານະ ຈັກຂຸມາ
ຕະໂຕ ອາມັນຕະຍິ ສັຕຖາ ສາວະເກ ສາສະເນ ຣະເຕ
ເທວະກາຍາ ອະພິກກັນຕາ ເຕ ວິຊານາຖະ ພິກຂະໂວ
ເຍ ໂວຫັງ ກິຕຕະຍິສສາມິ ຄິຣາຫິ ອະນຸປຸພພະໂສ. ຯ
ສັຕຕະສະຫັສສາວະ ຍັກຂາ ພຸມມາ ກາປິລະວັຕຖະວາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ຊະສະຫັສສາ ເຫມະວະຕາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສາຕາຄິຣາ ຕິສະຫັສສາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕັງ ວະນັງ. ຯ
ອິຈເຈເຕ ໂສລະສະສະຫັສສາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ເວສ ສາມິຕຕາ ປັນຈະສະຕາ ຍັກຂາ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ກຸມພິໂຣ ຣາຊະຄະຫິໂກ ເວປຸລລັສສະ ນິເວສະນັງ
ພິຍໂຍ ນັງ ສະຕະສະຫັສສັງ ຍັກຂານັງ ປະຍິຣຸປາສະຕິ.
ກຸມພີໂຣ ຣາຊະຄະຫິໂກ ໂສປະຄະ ສະມິຕິງ ວະນັງ. ຯ
ປຸຣິມັນຈະ ທິສັງ ຣາຊາ ທະຕະຣັຕໂຖ ປະສາສະຕິ
ຄັນທັພພານັງ ອະທິປະຕິ ມະຫາຣາຊາ ຍະຍັສສິ ໂສ. ຯ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ທັກຂິນັນຈະ ທິສັງ ຣາຊາ ວິຣຸລໂຫ ຕັປປະສາສະຕິ
ກຸມພັນທານັງ ອະທິປະຕິ ມະຫາຣາຊາ ຍະຍັສສິ ໂສ. ຯ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ປັຈສິມັນຈະ ທິສັງ ຣາຊາ ວິຣູປັກໂຂ ປະສາສະຕິ
ນາຄານັງ ອະທິປະຕິ ມະຫາຣາຊາ ຍະສັສສິ ໂສ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
* ອຸຕຕະຣັນຈະ ທິສັງ ຣາຊາ ກຸເວໂຣ ຕັປປະສາສະຕິ
ຍັກຂານັງ ອະທິປະຕິ ມະຫາຣາຊາ ຍະຍັສສິໂນ
ປຸຕຕາປິ ຕັສສະ ພະຫະໂວ ອິນທະນາມາ ມະຫັພພະລາ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ປຸຣິມະທິສັງ ທະຕະຣັຕໂຖ ທັກຂິເນນະ ວິຣຸລຫະໂກ
ປັຈສິເມນະ ວິຣູປັກໂຂ ກຸເວໂຣ ອຸຕຕະຣັງ ທິສັງ. ຯ
ຈັຕຕາໂຣ ເຕ ມະຫາຣາຊາ ສະມັນຕາ ຈະຕຸໂຣ ທິສາ
ທັທທັລລະມານາ ອັຕຖັງສຸ ວະເນ ກາປິລະວັຕຖະເວ. ຯ
ເຕສັງ ມາຍາວິໂນ ທາສາ ອາຄູ ວັນຈະນິກາ ສະຖາ
ມາຍາ ກຸເຕນທຸ ເວເຕນທຸ ວິຕູ ຈະ ວິຕໂຕ ສະຫະ
ຈັນທະໂນ ກາມະເສຕໂຖ ຈະ ກິນນຸ ຄັນທຸ ນິຄັນທຸ ຈະ
ປະນາໂທ ໂອປະມັນໂຍຈະ ເທວະສູໂຕ ຈະ ມາຕະລິ.
ຈິຕຕະເສໂນ ຈະຄັນທັພໂພ ນະໂລຣາຊາ ຊະໂນສະໂພ
ອາຄູ ປັນຈະສິໂຂ ເຈວະ ຕິມພະຣູ ສຸຣິຍະວັຈຊະສາ
ເອເຕ ຈັນເຍ ຈະຣາຊາໂນ ຄັນທັພພາ ສະຫະ ຣາຊຸພິ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ອະຖາຄູ ນາພະສາ ນາຄາ ເວສາລາ ສະຫະຕັຈຊະກາ
ກັມພະລັສສະຕະຣາ ອາຄູ ປາຍາຄາ ສະຫະ ຍາຕິພິ.
ຍະມຸນາ ທະຕະຣັຕຖາ ຈະ ອາຄູ ນາຄາ ຍະສັສສິໂນ
ເອຣາວັນໂນ ມະຫານາໂຄ ໂສປາຄະ ສະມິຕິງ ວະນັງ. ຯ
ເຍ ນາຄະຣາເຊ ສະຫະສາ ຫະຣັນຕິ ທິພພາ ທິຊາປັກຂິ ວິສຸທທະຈັກຂູ
ເວຫາຍະສາ ເຕ ວະນະມັຊຊະປັຕຕາ ຈິຕະຣາ ສຸປັນນາ ອິຕິ ເຕສະນາມັງ
ອະພະຍັນຕະທາ ນາຄະຣາຊານະມາສິ ສຸປັນນະໂຕ ເຂມະມະກາສິ ພຸທໂທ
ສັນຫາຫິ ວາຈາຫິ ອຸປະວະຫະຍັນຕາ ນາຄາ ສຸປັນນາ ສະຣະນະມະກັງສຸ ພຸທທັງ. ຯ
ຊິຕາ ວະຊິຣະຫັຕເຖນະ ສະມຸທທັງ ອະສຸຣາ ສິຕາ
ພາຕະໂຣ ວາສະວັສເສເຕ ອິທທິມັນໂຕ ຍະສັສສິໂນ
ກາລະກັນຊາ ມະຫາພິສມາ ອະສຸຣາ ທານະເວຄະສາ
ເວປະຈິຕຕິ ສຸຈິຕຕິ ຈະ ປະທາຣາໂທ ນະມຸຈີ ສະຫະ
ສະຕັນຈະ ພະລິປຸຕຕານັງ ສັພເພ ເວໂຣຈະນາມະກາ
ສັນນັຍຫິຕ໌ວາ ພະລິງ ເສນັງ ຣາຫຸພັທທະ ມຸປາຄະມຸງ
ສະມະໂຍທານິ ພັທທັນເຕ ພິກຂູນັງ ສະມິຕິງ ວະນັງ. ຯ
ອາໂປ ຈະ ເທວາ ປະຖະວີຈະ ເຕໂຊ ວາໂຍ ຕະທາຄະມຸງ
ວະຣຸນາ ວາຣຸນາ ເທວາ ໂສໂມ ຈະ ຍະສະສາ ສະຫະ
ເມຕຕາກະຣຸນາກາຍິກາ ອາຄູ ເທວາ ຍະສັສສິໂນ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ເວນທູ ຈະ ເທວາ ສະຫະລີ ຈະ ອະສະມາ ຈະ ທຸເວ ຍະມາ
ຈັນທັສສູປະນິສາ ເທວາ ຈັນທະມາຄູ ປຸຣັກຂິຕາ
ສຸຣິຍັສສູປະນິສາ ເທວາ ສຸຣິຍະມາຄູ ປຸຣັກຂິວາ
ນັກຂັຕຕານິ ປຸຣັກຂິຕ໌ວາ ອາຄູ ມັນທະພະລາຫະກາ
ວະສູນັງ ວາສະໂວ ເສຕໂຖ ສັກໂກ ປາຄະ ປຸຣິນທະໂທ
ທະສະເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ອະຖາຄູ ສະຫະພູ ເທວາ ຊະລະມັຄຄິສິຂາຣິວະ
ອະຣິຕຖະກາ ຈະ ໂຣຊາ ຈະ ອຸມມາ ປຸບຜະນິພາສິໂນ
ວະຣຸນາ ສະຫະທັມມາ ຈະ ອັຈຈຸຕາ ຈະ ອະເນຊະກາ
ສຸເລຍຍະຣຸຈິຣາ ອາຄູ ອາຄູ ວາສະວະເນສິໂນ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສະມານາ ມະຫາສະມານາ ມານຸສາ ມານຸສຸຕຕະມາ
ຂິທທາປະທູສິກາ ອາຄູ ອາຄູ ມະໂນປະທູສິກາ
ອາຖາຄູ ຫະຣະໂຍ ເທວາ ເຍ ຈະ ໂລຫິຕະວາສິໂນ
ປາຣະຄາ ມະຫາປາຣະຄາ ອາຄູ ເທວາ ຍະສັສສິໂນ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສຸກກາ ກະຣຸມຫາ ອະຣຸນາ ອາຄູ ເວຄະນະສາ ສະຫະ
ໂອທາຕະຄັຍຫາ ປາໂມກຂາ ອາຄູ ເທວາ ວິຈັກຂະນາ
ສະທາມັຕຕາ ຫາຣະຄະຊາ ມິສສະກາ ຈະ ຍະສັສສິໂນ
ຖະນະຍັງ ອາຄາ ປະຊຸນໂນ ໂຍ ທິສາ ອະພິວັສສະຕິ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ເຂມິຍາ ຕຸສິຕາ ຍາມາ ກັຕຖະກາ ຈະ ຍະສັສສິໂນ
ລັມພິຕະກາ ລາມະເສຕຖາ ໂຊຕິນາມາ ຈະ ອາສະວາ
ນິມມານະຣະຕິໂນ ອາຄູ ອະຖາຄູ ປະຣະນິມມິຕາ
ທະເສເຕ ທະສະທາ ກາຍາ ສັພເພ ນານັຕຕະວັນນິໂນ
ອິທທິມັນໂຕ ຊຸຕິມັນໂຕ ວັນນະວັນໂຕ ຍະສັສສິໂນ
ໂມທະມານາ ອະພິກກາມຸງ ພິກຂູນັງ ສະມິຕິງ ວະນັງ. ຯ
ສັຕເຖເຕ ເທວະ ນິກາຍາ ສັພເພ ນານັຕຕະວັນນິໂນ
ນາມັນວະເຍນະ ອາຄັນສຸງ ເຍຈັນເຍ ສະທິສາ ສະຫະ
ປະວຸຕຖະຊາຕິມັກຂີລັງ ໂອຄະຕິນນະ ມະນາສະວັງ
ທັກເຂໂມຄະຕະຣັງ ນາຄັງ ຈັນທັງວະ ອະສິຕາຕິຕັງ
ສຸພຣັມມາ ປະຣະມັຕໂຕ ຈະ ປຸຕຕາ ອິທທິມະໂຕ ສະຫະ
ສັນນັງກຸມາໂຣ ຕິສໂສ ຈະ ໂສປາຄະ ສະມິຕິງ ວະນັງ. ຯ
ສະຫັສສະ ພຣັມມະໂລການັງ ມະຫາພຣັມມາ ພິຕິຕຖະຕິ
ອຸປະປັນໂນ ຊຸຕິມັນໂຕ ພິສສະມາກາໂຍ ຍະສັສສິ ໂສ
ທະເສຕຖະ ອິສສະຣາ ອາຄູ ປັຈເຈກະວະສະວັຕຕິໂນ
ເຕສັນຈະ ມັຊຊະໂຕ ອາຄາ ຫາຣິໂຕ ປະຣິວາຣິໂຕ
ເຕຈະ ສັພເພ ອະພິກກັນເຕ ສິນເທ ເທເວສະພຣັມມະເກ
ມາຣະເສນາ ອະພິກກາມິ ປັສສະ ກັນຫັສສະ ມັນທິຍັງ
ເອຖະ ຄັນຫະຖະ ພັນທະຖະ ຣາເຄນະ ພັນທະມັຕຖຸ ໂວ
ສະມັນຕາ ປະຣິວາເຣຖະ ມາ ໂວ ມຸນຈິຕຖະ ໂກຈິ ນັງ
ອິຕິ ຕັຕຖະ ມະຫາເສໂນ ກັນຫະເສນັງ ອະເປສະຍິ
ປານິນາ ຕະລະມາຫັຈຈະ ສະຣັງ ກັຕ໌ວານະ ເພຣະວັງ
ຍະຖາ ປາວຸສສະໂກ ເມໂຄ ຖະນະຍັນໂຕ ສະວິຊຊຸໂກ
ຕະທາ ໂສ ປັຈຈຸທາວັຕຕິ ສັງກຸທໂທ ອະສະຍັງວະເສ
ຕັນຈະ ສັພພັງ ອະພິນຍາຍະ ວະວັກຂິຕ໌ວານະ ຈັກຂຸມາ
ຕະໂຕ ອາມັນຕະຍິ ສັຕຖາ ສາວະເກ ສາສະເນ ຣະເຕ
ມາຣະເສນາ ອະພິກກັນຕາ ເຕ ວິຊານາຖະ ພິກຂະໂວ.
ເຕຈະ ອາຕັປປະມະກະຣຸງ ສຸຕ໌ວາ ພຸທທັສສະ ສາສະນັງ
ວີຕະຣາເຄຫິ ປັກກາມຸງ ເນສັງ ໂລມັມປິ ວິນຊະຍຸງ.
ສັພເພ ວິຊິຕະສັງຄາມາ ພະຍາຕີຕາ ຍະສັສສິໂນ
ໂມທັນຕິ ສະຫະ ພູເຕຫິ ສາວະກາ ເຕ ຊະເນສຸຕາຕິ
ມະຫາສະມະຍະສຸຕຕັງ ນິຕຖິຕັງ.