10.    ໂພຊຊົງຄະປະຣິຕຕັງ ທະສະມັງ

ໂພຊຊັງໂຄ ສະຕິສັງຂາໂຕ        ທັມມານັງ ວິຈະໂຍຕະຖາ

ວິຣິຍັມປີຕິ ປັສສັທທິ           ໂພຊຊັງຄາ ຈະ ຕະຖາປະເຣ

ສະມາທຸເປກຂະໂພຊຊັງຄາ         ສັຕເຕເຕ ສັພພະທັສສິນາ

ມຸນິນາ ສັມມະທັກຂາຕາ         ພາວິຕາ ພະຫຸລີກະຕາ

ສັງວັຕຕັນຕິ ອະພິນຍາຍະ           ນິພພານາຍະ ຈະ ໂພທິຍາ

ເອເຕນະ ສັຈຈະວັຊເຊນະ         ໂສຕຖິ ເຕ ໂຫຕຸ ສັພພະທາ ຯ

ເອກັສ໌ມິງ ສະມະເຍ ນາໂຖ       ໂມຄຄັລລານັນຈະ ກັສສະປັງ

ຄິລາເນ ທຸກຂິເຕ ທິສວາ         ໂພຊຊັງເຄ ສັຕຕະ ເທສະຍິ

ເຕ ຈະ ຕັງ ອະພິນັນທິຕ໌ວາ            ໂຣຄາ   ມຸຈຈິງສຸ ຕັງຂະເນ

ເອເຕນະ ສັຈຈະ ວັຊເຊນະ          ໂສຕຖິ ເຕ ໂຫຕຸ ສັພພະທາ ຯ

ເອກະທາ ທັມມະຣາຊາປິ          ເຄລັນເຍ ນາພິປີລິໂຕ

ຈຸນທັຕເຖເຣນະ ຕັນເຍວະ           ພະນາເປຕ໌ວານະ ສາທະຣັງ

ສັມໂມທິຕວາ ຈະ ອາພາທາ            ຕັມຫາ ວຸຕຖາສິ ຖານະໂສ

ເອເຕນະ ສັຈຈະ ວັຊເຊນະ              ໂສຕຖິ ເຕ ໂຫຕຸ ສັພພະທາ ຯ

ປະຫີນາ ເຕ ຈະ ອາພາທາ        ຕິນນັນນັມປິ ມະເຫສິນັງ

ມັຄຄາຫະຕະກິເລສາ ວະ            ປັຕຕານຸປປັຕຕິທັມມະຕັງ

ເອເຕນະ ສັຈຈະ ວັຊເຊນະ           ໂສຕຖິ ເຕ ໂຫຕຸ ສັພພະທາ ຯ

           


            -< ກັບຄືນສູ່ໜ້າສູດມົນ

---